I denne delen tek planen for seg korleis dei ulike prioriterte strategiane skal konkretiserast og realiserast. Planen tek utgangspunkt i dei tre overordna strategiane, og beskriv kvar delstrategi med hovudaktivitetar som i neste omgang skal skape grunnlag for forpliktande tiltaksplanar og partnarskapsavtalar mellom dei involverte aktørane. Strategiane med tilhøyrande delstrategiar skal gjelde for heile planperioden, medan hovudaktivitetane og tiltaka vil bli gjennomført på ulike tidspunkt.
Kvar strategi vert i denne delen beskrive nærare, og det vert peika på relevante utfordringar og mogelegheiter som er henta frå kunnskapsgrunnlaget og innspela frå arbeidet med planen, i tillegg til effektmål, resultatmål og overordna mål for den enkelte delstrategien. Slik vert føringane frå del 1 brotne ned og gjort konkrete.
I tabellane per delstrategi vert det føreslått hovudaktivitetar med aktuelle tiltaksområde og ansvarleg som skal gje grunnlag for prioriterte satsingar i tiltaksplanane i del 3. Desse hovudaktivitetane skal som utgangspunkt gjelde for heile planperioden, medan tiltaka vil bli rullerte undervegs.
Mål, strategiar og tiltak må tilpassast dei einskilde stadene i Sogn, og det bør lagast lokale strategiske tiltaksplanar for reiselivet per stad med bakgrunn i masterplanen og lokale utfordringar og moglegheiter. I dette arbeidet bør ein sjå til dei andre stadene i og utanfor Sogn.
Merkinga under tiltaksområda i tabellane som t.d. B2, B4 og C4-1 syner til kriteriane i Innovasjon Norge sin Standard for Bærekraftig reisemål - Kriterier og indikatorer, versjon 2.0 per 04.07.2017
Forvaltningsorgansisasjonene består av:
Nærøyfjorden verneområdestyre og Stølsheimenverneområdestyre, Nasjonalparkstyret for Jotunheimen og Utladalen, Jostedalsbreen nasjonalparkstyre, Breheimen nasjonalparkstyre og Statsforvalteren i Vestland