Masterplan for reisemålet Sogn er det overordna styringsdokumentet for arbeidet med å utvikle reisemålet. Planen har tre delar: Strategi, strategiske innsatsområde og tiltaksplanar. Realiseringa av planen vil berre lukkast gjennom eit forpliktande partnarskap mellom kommunane, fylkes-kommunen, næringa, verneområda, verdsarvparken og reisemålsselskapet. Planen er utarbeidd av Visit Sognefjord på oppdrag frå Sogn Regionråd.
Planarbeidet er gjennomført i samsvar medrettleiaren til Innovasjon Noreg, som òg har vore med å finansiert arbeidet. Kvalifisering for merke som berekraftig reisemål er gjort samstundes. Planprosessen har følgt tre steg: Forstudie, strategiutvikling og frå ord tilhandling, med oppstart av analysearbeidet i 2017 og vedtak av ferdig plan i 2021. Meir informasjon om prosessen og arbeidet med planen finst i vedlegga til plandokumentet.
Intensjonen med planen er å forvalte og styrke reisemålet Sogn til det beste for lokalsamfunnet, miljøet og dei besøkande ved å utvikle eit berekraftig reisemål som skapar livsgrunnlag for framtidige generasjonar.
Planen legg FN sineberekraftsmål til grunn, og byggjer på Innovasjon Norge og NHO reiseliv sintilpassing av UNWTO sine prinsipp for berekraftig reiseliv:
Masterplanen skal vere Sogn sin fremste reiskap for å leve opp til denne intensjonen. For å oppnå dette skal Sogn utvikle opplevingar, tenestetilbod og infrastruktur som gjer at Sognefjord står fram som eit attraktivt reisemål i verdsklasse og ein god stad å bu. Gjennom reiselivssatsinga skal både næringa og lokalsamfunna bli meir berekraftig ved å bidra til auka verdiskaping, sterkare miljø- fokus og betre samfunnsutvikling knytt til reiselivet i heile Sogn heile året
Sogn skal vere det fremste reisemålet på å utvikle reiselivsnæringa på lokalsamfunna, naturen og kulturhistoria sine premiss. Det skal ein gjere gjennom å involvere lokalsamfunna i utviklingsarbeidet, og bidra til å fremje kunnskap om naturmangfald og kulturarv. Posisjonen skal fremjast gjennom tre prinsipp:
Sogn skal stå fram som eit av dei fremste reisemåla i verda og det beste av norske fjordlandskap med utgongspunkt i nokre av dei vakraste natur- og kulturlandskapa i verda, tettleiken av levande fjordbygder og mangfaldet av aktivitetar, UNESCO verdsarven, nasjonalparkane, den lengste fjorden, den største breen, dei høgste fjella og dei fremste attraksjonane som mellom anna stav- kyrkjene, Flåmsbana og dei nasjonale turistvegane.
Sogn skal stå fram som eit av dei fremste reisemåla i verda og det beste av norske fjordlandskap med utgongspunkt i nokre av dei vakraste natur- og kulturlandskapa i verda, tettleiken av levande fjordbygder og mangfaldet av aktivitetar, UNESCO verdsarven, nasjonalparkane, den lengste fjorden, den største breen, dei høgste fjella og dei fremste attraksjonane som mellom anna stav- kyrkjene, Flåmsbana og dei nasjonale turistvegane.
Reisemålsutviklinga i Sogn skal skape reiselyst og lokal verdiskaping gjennom utvikling av kvalitativt gode reiselivsprodukt, opplevingar og tilstrekkeleg infrastruktur, og regionen skal ha flest mogleg besøkande innanfor definerte tålegrenser heile året som blir lenge, betaler godt, opplev og smaker mykje, forureinar lite og har minst mogleg negativ verknad for natur, kultur og lokalsamfunna. Reisemålet Sogn skal utviklast innanfor rammene av desse overordna måla:
Sysselsettinga og verdiskapinga i reiselivet aukar med minst 5% i året i perioden, og reiselivet er av dei fem viktigaste næringane i alle fjordbygdene i Sogn målt i sysselsetjing og omsetnad
Det er etablert definerte tålegrenser for besøk og system for besøksforvaltning og trafikkstyring for heile regionen
Sogn er best i verda på lokalsamfunns- og naturbasert reiseliv og klimautsleppa frå reiselivet i Sogn skal reduserast med 50% innan 2030.
Reisemålet Sogn er fremst i verda på å bruke digitale løysingar og ny og nyttig teknologi
Det er utvikla forpliktande kvalitetsprogram for alle ledd i reiselivet
Det er den svakaste månaden skal vere minst 50% av den sterkaste månaden målt i tal besøkande og omsetnad, og forbruket per gjest skal auke med minst 25% innan 2030.
-min.jpg)
For å nå dei overordna måla må det etablerast forpliktande partnarskap mellom dei ulike aktørane som til saman utgjer reisemålet Sogn. Masterplanen peikar på tre prioriterte strategiar, som på kvar sitt vis bidreg til å nå måla:
Natur
Ta vare på sårbar natur, og jobbe systematisk med styrt tilrettelegging gjennom kommunale planar
Kultur
Løfte fram og utvikle kulturverdiane i heile regionen
Infrastruktur
Utvikle infrastruktur som aukar opplevingsverdien, tek vare på lokalsamfunna og naturen og som gjev inntekter som kan reinvestereast i meir infrastruktur
Datadreven forvaltning
Ta eigarskap til korleis Sogn skal eige og bruke data